همّتي

المميزات

كل اللي بتحتاجه
لتبيع دوراتك.

من أول فيديو بترفعه لحد الشهادة اللي بيستلمها طالبك. أداة وحدة بدل عشر أدوات، وكلها بالعربي، وباسمك إنت.

الدورات والفيديو

ارفع فيديوهاتك مرة وحدة، ونظّمها، وبيعها من موقع باسمك.

  • دورات بوحدات ودروس

    رتّب كل دورة بوحدات ودروس، وأضف ملفات PDF ومرفقات جنب كل درس.

  • فيديو بنفس وضوح الأصل

    بنرمّز الفيديو تلقائياً بعدة جودات، والطالب بيشوف الجودة اللي بتناسب إنترنته.

  • رفع لأي حجم

    الرفع بيكمّل من وين وقف إذا انقطع النت، فما بتعيد فيديو ساعتين من الأول.

  • بيع بطريقتك

    CliQ، زين كاش، بطاقة، رابط الدفع تبعك، أو أكواد تفعيل. والمصاري بتوصلك إنت مباشرة.

  • مساحة ملفات

    لما بتحتاج مساحة أكثر للملفات: +50 GB بـ 3 د.أ بالشهر.

البث المباشر

حصص لايف مع طلابك، وبعدها بتصير دروس مسجّلة بكبسة.

  • حصص لايف تفاعلية

    شات ورفع إيد، فالطالب بيسأل وإنت بتجاوب وقت الحصة.

  • من لايف لدرس مسجّل

    بعد ما تخلص الحصة، حوّلها لدرس بدورتك بدون ما ترفع شي من جديد.

  • رصيد بث بالدقائق

    الرصيد بيتحسب بدقائق المشاهدة: 15 د.أ لكل 10,000 دقيقة. مثلاً حصة ساعة لـ 160 طالب.

الاختبارات والشهادات

اعرف وين طلابك واقفين، وسلّمهم شهادة باسمك.

  • بنك أسئلة ومؤقّت

    اعمل اختبارات بأسئلة اختيار من متعدد، ومؤقّت لكل اختبار.

  • تصحيح تلقائي

    الطالب بيعرف علامته فوراً، وإنت بتعرف أي أسئلة بيغلطوا فيها أكثر.

  • شهادة إتمام

    شهادة باسم الطالب وشعارك، برقم تسلسلي و QR عشان أي حدا يتحقق منها.

أكواد التفعيل والموزّعين

بيع بالمكتبات والمراكز بدون ما تعتمد على الدفع الإلكتروني بس.

  • ولّد دفعات أكواد

    حدّد العدد والدورة وتاريخ الانتهاء وبادئة للكود، وولّد الدفعة بدقيقة.

  • بطاقات للطباعة

    اطبع الأكواد كبطاقات وبيعها بالمكتبات والمراكز.

  • تابع كل موزّع

    بتشوف لكل موزّع كم كود ولّدت، وكم كود انفعّل، وبتصدّر القوائم CSV.

  • التفعيل من الموقع

    الطالب بيفعّل الكود من موقعك (مش من داخل التطبيق)، حسب قواعد المتاجر.

الطلاب والأجهزة

اشتراك لطالب واحد، مش لكل الصف.

  • حد جهازين لكل طالب

    فتح الحساب على جهاز ثالث بينرفض، فما بيتشارك بين خمس طلاب.

  • إعادة ضبط الأجهزة

    الطالب غيّر تلفونه؟ إنت بتعيد ضبط أجهزته من اللوحة بضغطة.

  • قائمة الطلاب

    بتشوف طلابك، دوراتهم، أجهزتهم، وآخر نشاط لكل واحد.

  • طلاب بلا حدود

    عدد الطلاب والمشاهدات مش محدود بأي باقة.

التحليلات

أرقام بتفهمها من أول نظرة، بدون جداول معقّدة.

  • ساعات المشاهدة

    كم ساعة اتشاهدت هالشهر، ومقارنة بالشهر اللي قبله.

  • وين بيوقفوا بالفيديو

    بتشوف النقاط اللي الطلاب بيتركوا عندها الدرس، فبتعرف شو لازم تبسّط.

  • الأكثر مبيعاً

    أي دورة بتبيع أكثر، وكم دخلك الشهر.

هويتك إنت

الطالب بيشوف اسمك واسم أكاديميتك، مش اسم همّتي.

  • شعار وألوان

    حط شعارك واختار ألوانك وشكل الزوايا، وشوف المعاينة قدامك.

  • ترتيب الرئيسية

    رتّب أقسام الصفحة الرئيسية لمنصّتك زي ما بدك.

  • رابط ودومين خاص

    منصّتك بتشتغل على رابط فرعي (____.himmaty.com)، وبتقدر تربط دومينك الخاص مثل academy.jo.

  • تطبيق باسمك

    إذا بدك تطبيق Android و iOS بشعارك وإشعارات باسمك، هاي إضافة من باقة 50 ساعة وفوق.

دخول الطلاب برمز OTP

رقم الموبايل هو الحساب. لا كلمات سر بتنسى.

  • رمز لرقم تلفونه

    الطالب بيدخل برقمه، وبيجيه رمز تحقق على واتساب أو SMS.

  • رصيد مسبق

    بتشحن رصيد OTP من اللوحة وبينخصم مع كل دخول. واتساب أرخص من SMS.

  • بدون كلمات سر

    ما في كلمة سر بتنسى أو بتنباع، وبهيك الحساب بيضل مربوط بصاحبه.

الأكاديمية وفريق المدرّسين

إذا عندكم أكثر من مدرّس، بنرتّب المنصّة على مقاسكم.

  • عدة مدرّسين على منصّة وحدة

    أكاديمية أو مركز فيه كذا مدرّس؟ احكي معنا وبنرتّب الإعداد حسب حجمكم.

  • باقة على مقاسكم

    ساعات أكثر، تطبيق باسم المركز، و DRM للويب إذا بدكم. اطلب عرض وبنرجعلك.

كمّل القراءة

جاهز تطلق منصّتك؟

احكي معنا على واتساب اليوم، وبنجهّز منصّتك وإنت بترفع أول درس. وإذا علقت بأي خطوة، إحنا معك.